Доколку имате одобрен привремен престој во Република Србија, а и понатаму сакате да аплицирате за издавање слободен пристап до пазарот на труд, неопходно е, по поднесеното барање, лично да се обратите до органот што Ви го одобрил привремениот престој во Република Србија и да поднесете барање за прекин на решението за привремен престој.

Барањето за одобрување привремен престој во Република Србија по некој од основите пропишани со Законот за странци, може да го остварите во подрачната полициска управа откако Одобрението за слободен пристап до пазарот на труд, ќе Ви биде укинато по Ваше барање.

Личната карта или пасошот на Република Албанија или Република Северна Македонија, чија скенирана копија ја приложувате со барањето за слободен пристап до пазарот на труд, треба да важи најмалку 90 дена од денот на поднесување на барањето за слободен пристап до пазарот на труд.

Може да поднесете барање за слободен пристап до пазарот на труд ако сте на територијата на Република Србија или на територијата на Република Северна Македонија или Република Албанија.

Ако барањето за слободен пристап до пазарот на труд Ви биде одобрено и Одобрението за слободен пристап до пазарот на труд се достави по електронска пошта (e-mail) додека сте сé уште во земјата на потекло, потребно е, по влегувањето во Република Србија, да ја пријавите адресата на Вашиот престој во Република Србија.

Како државјанин на една земја потписничка на Спогодбата за слободен пристап до пазарот на труд, односно Република Србија, Република Северна Македонија или Република Албанија, барањето за одобрение за слободен пристап до пазарот на труд може да го поднесете во земјата што е потписничка на Спогодбата, а не е Ваша матична земја односно земјата чиј државјанин сте.

Со оглед на тоа дека барањето за слободен пристап до пазарот на труд можете да го поднесете и од земјата чиј државјанин сте односно од странство, во моментот на поднесувањето на барањето немате обврска да ја внесете адресата на која ќе престојувате при поднесувањето на барањето.

Меѓутоа, откако ќе Ви се одобри барањето за слободен пристап до пазарот на труд и откако ќе влезете во Република Србија и ќе ги започнете активностите за кои Ви е одобрен слободен пристап до пазарот на труд, имате обврска во рок од 5 дена откако ќе се пријавите на адресата на престој во Република Србија, наведената промена да ја извршите преку оваа апликација, повикувајќи се на Вашиот број на барањето кој е внесен на Вашето одобрение за слободен пристап до пазарот на труд.

Пред Спогодбата за условите за слободен пристап до пазарот на труд на Западен Балкан, во согласност со законодавството на Република Србија, за странец да работи во Република Србија беше потребно странецот да го регулира престојот во Републиката и за него да биде издадена дозвола за работа.

Спогодбата за државјаните на државите потписнички кои се регистрирани и по завршената регистрација под условите пропишани во Спогодбата и добиле Одобрение за слободен пристап до пазарот на труд, им овозможува влез, престој и работа во државата домаќин односно слободен пристап до пазарот на труд во државата домаќин.

Одобрението за слободен пристап до пазарот на труд е документ со кој се одобрува и престој и работа во Република Србија.

Одобрението за слободен пристап до пазарот на труд му овозможува на странецот да ги остварува правата на работа без потреба од обезбедување дозвола за работа и одобрение за престој во државата домаќин.

Одобрението за слободен пристап до пазарот на труд им овозможува на државјаните на страните потписнички да престојуваат и да работат на територијата на државата (страната) домаќин до две години, со можност за повторно поднесување на барање под условите пропишани во Спогодбата.

На државите на државите потписнички кои од која било причина не ги користат бенефитите кои ги носи Спогодбата за условите за слободен пристап до пазарот на трудот на Западен Балкан, ќе се применуваат домашните законодавства на државите домаќини со кои е регулиран престојот и работата на странци.

До Националната служба за вработување на Република Србија www.nsz.gov.rs

Со поддршка и помош на Националната служба за вработување ќе бидете информирани за условите и можностите за вработување во Република Србија, а со регистрација на веб страната на Националната служба, ќе Ви биде овозможен увид во слободните работни места, со можност профилот што сте го креирале на веб страната да биде достапен за работодавачи кои може да Ви ја понудат работата што ја барате.

Постапката на веб страната е мошне едноставна и подразбира да ги евидентирате сите релевантни податоци што се однесуваат на Вашите професионални компетенции.

За сите дополнителни прашања и поддршка во барањето работа можете да ја контактирате Националната служба за вработување преку електронската адреса: openbalkan@nsz.gov.rs

Да, услугите на Националната служба за вработување на Република Србија се бесплатни.